Galicia Calidade certifica a calidade dos establecementos turísticos de Galicia, entre os que se atopan os hoteis, apartamentos turísticos, balnearios, casas de turismo rural, restaurantes, cafeterías ou bares, que cumpran os requisitos do Prego de Condicións para o uso da marca de garantía e o Regulamento de uso da marca.

Para conseguir a certificación de Galicia Calidade, os establecementos deben cumprir os seguintes requisitos básicos:

  • Estar inscrito no Rexistro de Empresas de Actividades Turísticas
  • Dispoñer de licenza de actividade
  • Contar cunha antigüidade mínima de dous anos de experiencia
  • Ter o certificado de Q de Calidade Turística ou, na súa falta, o selo dunha norma ISO 9001 e o compromiso de calidade turística (SICTED).
  • A oferta gastronómica debe ofrecer unha proporción significativa de receitas galegas, con materias primas amparadas polos selos de certificación de orixe como as denominacións de orixe, indicacións xeográficas protexidas, etc.
  • Ofrecer unha variedade de viños certificados polas denominacións de orixe galegas.
  • Os licores tradicionais, como augardentes, licor café, etc., deben estar certificadas polo consello regulador da correspondente Indicación Xeográfica.

Ademais, os establecementos deben velar pola elevación da calidade dos servizos que prestan, de acordo cos seguintes criterios:

  • Corrección das deficiencias das infraestruturas, instalacións ou equipamentos
  • Prestar os servizos cun trato adecuado
  • Facilitar unha maior profesionalización das persoas que traballen no sector, así como o acceso á formación continua.
  • Apoiar sistemas de certificación de calidade
  • Difundir os sistemas de certificación de calidade
  • Calquera acción que dirixida a obter a excelencia na prestación das actividades turísticas.

Compromiso Galicia Calidade
Os establecementos certificados co selo Galicia Calidade comprométense con:

  • Os clientes, a quen debe ofrecer a excelencia no servizo e a satisfacción.
  • Cos empregados, fomentando unha contorna laboral positivo e o respecto aos dereitos aos traballadores e a seguridade e hixiene
  • A formación profesional, fomentando o desenvolvemento permanente
  • Coa sociedade, contribuíndo ao desenvolvemento económico e a xeración de emprego.
  • Co medio ambiente, fomentando o desenvolvemento sustentable.

 
 
Manual de uso de identidade visual corporativa

Galicia Calidade

  • selo de garantía
    para produtos ou servizos que destacan polos seus atributos de calidade
  • control de calidade
    que garantan tanto a orixe como as características
  • recoñecemento
    a marca ten unha valoración moi positiva polos consumidores
  • promoción
    investimento constante que repercute nas entidades adheridas
  • acción
    co obxectivo de favorecer as empresas adheridas
  • promoción extra
    as accións promocionais supoñen unha gran oportunidade
  • presenza
    destacada nas feiras agroalimentarias
  • captación
    participación en campañas educativas e deportivas para o cliente final
  • facilidade
    na tramitación do selo de calidade