O presidente da Xunta, Alberto Núñez Feijóo animou a seguir apostanto pola máxima calidade como marca do sector turístico galego, e destacou que investir e mellorar a calidade é sempre a opción máis rendible, no curto, medio e longo prazo. Galicia, que é a primeira comunidade de España por número destas distincións, recibiou en 2017 […]
O presidente da Xunta, Alberto Núñez Feijóo animou a seguir apostanto pola máxima calidade como marca do sector turístico galego, e destacou que investir e mellorar a calidade é sempre a opción máis rendible, no curto, medio e longo prazo.
Galicia, que é a primeira comunidade de España por número destas distincións, recibiou en 2017 a máis de 5,1 millóns de turistas e incrementouse un 8,6% o número de pernoitas de turistas internacionais. “É dicir, acadamos un crecemento sostido no número de visitantes, con cada vez máis noites por turista e mellor repartidos ao longo do ano”, precisou o presidente, ao que engadiu que, ademais seguen mellorando os ingresos por habitación e a facturación total do sector hoteleiro creceu un 9,4% ata os 300 millóns de euros.
Durante a entrega dos recoñecementos Q de Calidade Turística 2017, o presidente da Xunta aseverou que este acto pon de manifesto o camiño do sector cara á especialización. Así, a comunidade ten: o 64% das Q de calidade en instalacións náutico-deportivas; a metade das casas de turismo rural de España con este recoñecemento e un de cada catro balnearios.