A Xunta e o Clúster Turismo de Galicia impulsarán a primeira edición dos Premios Galicia de Turismo, uns galardóns que recoñecerán iniciativas exitosas de persoas, entidades ou empresas co fin de desenvolver e mellorar o sector turístico galego. O conselleiro de Cultura e Turismo, Román Rodríguez, e o presidente del Clúster Turismo de Galicia, Cesáreo […]
A Xunta e o Clúster Turismo de Galicia impulsarán a primeira edición dos Premios Galicia de Turismo, uns galardóns que recoñecerán iniciativas exitosas de persoas, entidades ou empresas co fin de desenvolver e mellorar o sector turístico galego. O conselleiro de Cultura e Turismo, Román Rodríguez, e o presidente del Clúster Turismo de Galicia, Cesáreo Pardal, presentaron esta iniciativa nun acto no Centro Galego de Arte Contemporáneo (CGAC) no que tamén estivo presente a directora da Axencia deTurismo de Galicia, Nava Castro.
Na súa primeira edición, os premios contarán con nove categorías. Tres delas terán carácter honorífico e será concedidos a persoas que contribuiran ao longo da súa vida á consolidación e ó prestixio de Galicia como destino turístico. Serán as categorías de Embaixador/a Nacional, Embaixador/a Internacional e Pioneiro/a.
Outros cinco premios serán concedidos por un xurado composto por representantes da Xunta, do sector e do mundo da universidade e recoñecerán iniciativas vanguardistas e relacionadas co turismo sostible, proxectos dirixidos á posta en valor do patrimonio histórico, artístico ou cultural de Galicia, accións de mercadotecnia ou comunicación para potenciar a imaxe da nosa Comunidade como destino turístico ou eventos de promoción turística.
Por último, premiarase tamén ao mellor Escenario de Galicia a través dunha votación online aberta ó público entre 24 fotografías de distintos destinos turísticos galegos destacados pola súa beleza, coidado ou conservación.
“Vocación de continuidade”
O conselleiro de Cultura e Turismo destacou que se trata dunha iniciativa froito da colaboración entre a Xunta e o sector que nace “con vocación de continuidade”. Ademais, Román Rodríguez puxo en valor o peso do turismo como motor económico e xerador de emprego. Recordou que ese sector representa o 10,4% do Producto Interior Bruto de Galicia e o 11% dos empregos que se crean na Comunidade e esperou que estos premios sirvan para visibilizar o traballo dos profesionais e das empresas do sector. “Queremos que estos premios se convirtan na gran festa do turismo galego”, resumiu.
Añadiu que este evento permitirá mostrar máis alá das nosas fronteiras as potencialidades do “modelo turístico galego”, basado na sustentabilidade, a innovación, a calidade, e a aposta pola mellora da profesionalización e a competitividade coa fin de favorecer a la desestacionalización e a descentralización dos fluxos turísticos.
Pola súa parte, o presidente do Clúster Turismo de Galicia, Cesáreo Pardal, destacou que esta iniciativa forma parte da colaboración entre a Xunta e o sector co obxectivo de promocionar Galicia como destino turístico e seguir favorecendo o desenvolvemento sostible “dunha industria turística moderna e competitiva”.