España supera xa a Francia en ingresos turísticos e en ingresos dos establecementos hoteleiros, xa que o país galo obtivo o ano pasado uns 42.000 millóns de euros, mentres que España supera os 80.000, segundo informou a secretaria de Estado para o Turismo, Matilde Asian, durante unha entrevista na que destacaba que o sector turístico […]
España supera xa a Francia en ingresos turísticos e en ingresos dos establecementos hoteleiros, xa que o país galo obtivo o ano pasado uns 42.000 millóns de euros, mentres que España supera os 80.000, segundo informou a secretaria de Estado para o Turismo, Matilde Asian, durante unha entrevista na que destacaba que o sector turístico debe seguir traballando na liña da calidade, a competitividade e a cooperación público-privada. De feito, o 2017 foi un ano fantástico para o turismo español, que batía o seu récord de visitantes internacionais coa chegada de 82 millóns de turistas, segundo a estimación de peche do ano de Turespaña e as estatísticas que achegan as enquisas FRONTUR e EGATUR do Instituto Nacional de Estadística (INE). En concreto, os turistas estranxeiros que visitaron España o ano pasado deixaron no noso país 86.823 millóns de euros, cun aumento do 12,2%.
Tamén se bateu récord en 2017 no gasto dos turistas españois no estranxeiro, cun total de 19.586 millóns de euros nos seus desprazamentos, un 12,3% máis respecto de 2016, segundo reflicte a balanza de pagos divulgada esta semana polo Banco de España. Se se observa o conxunto da evolución dos últimos anos, establécese claramente unha relación entre o incremento do PIB e a subida do gasto do turismo nacional.