Esta mañá celebrouse o Campionato Galego de Tiraxe de Cervexa Estrella Galicia na caseta da marca cervexeira no Fórum Gastronómico da Coruña. Un total de 10 aspirantes chegados de diversos puntos da comunidade que se clasificaron previamente nos certames Galicia Norte e Sur enfrontáronse ao longo de diferentes roldas para alzarse co título de mellor […]
Esta mañá celebrouse o Campionato Galego de Tiraxe de Cervexa Estrella Galicia na caseta da marca cervexeira no Fórum Gastronómico da Coruña. Un total de 10 aspirantes chegados de diversos puntos da comunidade que se clasificaron previamente nos certames Galicia Norte e Sur enfrontáronse ao longo de diferentes roldas para alzarse co título de mellor tirador de cervexa.
O gañador da edición deste ano foi Benjamín Seoane, do Pub Atlántico de Santiago de Compostela, que ostenta xa o título de Mellor Tirador de Cervexa de Galicia.
O obxectivo do campionato é promover a cultura cervexeira e recoñecer o labor dos hostaleiros como un elo fundamental na cadea de distribución dos produtos de Estrella Galicia. A profesionalidade no servizo dos establecementos hostaleiros é fundamental para ofrecer aos consumidores finais todas as posibilidades que ofrece a cervexa.
Laura Martínez, da Bodeguilla de Santa Marta, irá á final nacional de Madrid
Laura Martínez da Bodeguilla de Santa Marta de Santiago, establecemento certificado por Galicia Calidade Lecer, e Alejandro Castro Somoza da Bocatería Manduca de Baiona leváronse os dous accésits que lles permiten participar tamén no certame nacional que terá lugar no Salón de Gourmets de Madrid o próximo mes de abril.