A Feira Internacional de Turismo (FITUR) abriu onte as súas portas sendo a edición máis tecnolóxica de todas as celebradas ata agora e contando con máis superficie e expositores que en anos anteriores. O presidente do Goberno galego, Alberto Núñez Feijóo, aseverou onte en Fitur 2018, que a Comunidade seguirá apostando por un turismo respectuoso […]
A Feira Internacional de Turismo (FITUR) abriu onte as súas portas sendo a edición máis tecnolóxica de todas as celebradas ata agora e contando con máis superficie e expositores que en anos anteriores.
O presidente do Goberno galego, Alberto Núñez Feijóo, aseverou onte en Fitur 2018, que a Comunidade seguirá apostando por un turismo respectuoso e de calidade, que permita preservar o patrimonio e ofrecer a mellor atención ao visitante, e tamén por un turismo moderno e de experiencias, que axude ao visitante a descubrir o mellor da xeografía galega, impulsando produtos turísticos como Galicia surfing, un paquete de rutas polos mellores miradoiros de Galicia ou a Ruta dos Faros.
Por outra banda, Feijoo lembrou que os que decidan visitar Galicia poderán desfrutar das 11 estrelas Michelín e das 300 festas gastronómicas; dos seis parques naturais, ademais de lugares como a Praia das Catedrais; e dos seis bens Patrimonio da Humanidade e dos bens de interese cultural.
Dende Galicia Calidade é un pracer ver como os produtos e establecementos galegos certificados co noso selo de calidade, formarán parte da viaxe dos futuros turistas e poñerán en valor o sector turístico, un dos mais importantes na nosa Comunidade.