Esta mañá, no marco do 33 Salón Gourmets de Madrid, celebrouse a Final do VI Campionato Nacional Estrella Galicia de Tiraxe de Cervexa, no que 15 hostaleiros de toda España competiron por alzarse co título de mellor tirador de cervexa de España. O hostaleiro que se alzou co título ao mellor tirador de cervexa de […]
Esta mañá, no marco do 33 Salón Gourmets de Madrid, celebrouse a Final do VI Campionato Nacional Estrella Galicia de Tiraxe de Cervexa, no que 15 hostaleiros de toda España competiron por alzarse co título de mellor tirador de cervexa de España.
O hostaleiro que se alzou co título ao mellor tirador de cervexa de España deste ano é Miguel Pampín, do restaurante O Ferro en Santiago de Compostela.
Pola súa banda, a subcampiona foi Laura Martínez da Bodeguilla de Santa Marta, establecemento certificado por Galicia Calidade de Santiago de Compostela. Laura, nacida en Carnota, declarou sentirse moi contenta como subcampiona. “Na semifinal de Galicia estaba moi nerviosa, pero hoxe gocei moitísimo. Aínda que non gañase merecería a pena”. Para ela, sen dúbida a cervexa perfecta conséguese “tirando moitas e aprendendo a mellorar a túa técnica cada día”.
Xunto a eles, os outros tres finalistas que se disputaron o campionato e foron premio accésit do xurado foron Aarón Rodríguez da Taberna A Pracería en Laxe (A Coruña), Benjamín Seoane do Pub Atlántico en Santiago de Compostela e Luís Manuel Martínez da Tapería de Rosa en Aravaca (Madrid).
O campionato
Nesta final da VI edición participaron 15 hostaleiros, seleccionados entre os candidatos das finais rexionais que desde o ano pasado celebráronse en Andalucía, Comunidade Valenciana, Galicia, Estremadura e Madrid.
A calidade, eficacia e rapidez no servizo, así como os coñecementos dos aspirantes ao título sobre as características dos produtos Estrella Galicia son as calidades que deron o título ao mellor tirador profesional de cervexa de España.
Os cinco finalistas recibirán como premio o seu propio peso en cervexa de Estrella Galicia. A dotación económica para o gañador foi de 1.000 euros e recibiu un trofeo como Mellor Tirador de Cervexa de España. O subcampión recibiu 600 euros, e entregáronse tamén tres accésit de 150 euros.