Ingredientes:

• 400 gr de pescada fresca sen pel e torada
• 2-3 culleradas de puré de pataca en po
• 10 langostinos pelados e torados
• 1 ovo
• 1 cebola moi picada
• Sal
• Fariña para rebozar as albóndegas

Para a salsa verde:

• Aceite de oliva
• 1 taciña de fariña
• 2 dentes de allos
• Perexil picado
• Sal

Preparación

Dispoñer a fariña nun prato e salgar os toros de pescada para enfariñalas a continuación. Nunha pota ou tixola grande, botar un fondo de aceite e quentar. Pelar os langostinos e reservar as cabezas e as cascas para facer un caldo de marisco.

Engadir os allos pelados ao aceite e sofrixir pero sen que se queimen, retirar e engadir o vaso do batedor xunto co perexil. Engadir 2-3 culleradas de auga e un chisco de sal e bater moi ben co batedor. Nese mesmo aceite, na pota e a lume baixo, cociñar os toros de pescada lixeiramente, un minuto por un lado e outro minuto polo outro sen que se cheguen a dourar.

Retirar do lume, deixar arrefriar lixeiramente e limpar a carne branca para deixala sen pel nin espiñas. Reservar. Nunha cunca imos mesturar moi ben os seguintes ingredientes das albóndegas: pescada, cebola moi picada, unha culleriña de perexil, os lagostinos torados, puré de pataca, ovo e sal. Se nos queda moi espeso, poderiamos incorporar un pouco de leite.

Faremos con esta pasta albóndegas redondas que pasaremos por fariña. Podemos refrixeralas un pouco para que manteñan a forma máis doadamente.

Ímolas dourar no aceite que tiñamos reservado. Cando estean douradas, incorporaremos a salsa verde por enriba, medio vaso de caldo de marisco e deixamos cociñar durante 10 minutos.

Servir as albóndegas acompañadas coa salsa verde.