Ingredientes:

• 1 kg de carrilleiras de porco ou de tenreira
• 1 vaso de viño branco
• 1 vaso de auga ou caldo de carne ou verdura
• 1 cebola grande
• Fariña para fritir a carne
• Pementa branca
• Sal
• 50 g de queixo San Simón
• 200 ml de tona líquida
• Auga
• Aceite de oliva

Preparación
Salgar as carrilleiras. Enfariñalas e fritilas nun par de culleradas de aceite quente pero sen que cheguen a tostar. Retiralas no lume, engadir a cebola picada e cociñar a lume medio. En canto a cebola comece a facerse, incorporar de novo as carrilleiras, verter o viño e a auga cun chisco de pementa, tapar e deixar facer a lume lento unha hora aproximadamente ou hora e media ata que estean moi tenras. Incorporar máis líquidos se é necesario.

Retirar as carrilleiras e pasar o resto da salsa pola batedora.

Poñer a quencer a tona nunha tixola pequena, incorporar o queixo San Simón en anaquiños e agardar a que se funda, mesturar o resto da salsa da carne, salgar e botar pementa.

Servir as carrilleiras acompañadas da salsa de queixo afumado.