Ingredientes:

• 300 gr. de mexillóns
• Aceite de oliva
• Fariña
• Leite
• Pementa Negra
• Sal
• Pan relado
• 2 ovos batidos
• 150 gr. de queixo San Simón

Preparación:

-Cocemos os mexillóns en auga con sal e, en canto abran, retirámolos con axuda dunha espumadeira. Reservamos o líquido de cocción.
-Limpamos os mexillóns e torámolos con axuda dunhas tesoiras. Mesturamos 250 ml de leite xunto con 250 ml de líquido coado de cocer os mexillóns.
-Nunha tixola refogámolos lixeiramente con aceite. Incorporamos dúas culleradas sopeiras cheas de fariña, e imos engadindo o caldo co leite pouco a pouco. Trataremos de remover continuamente para que non se formen grumos. Retiramos do lume a un prato e deixámolo que arrefríe para logo metelo na neveira.
-Cando a masa estea callada, formamos as croquetas e pasámolas por fariña, ovo batido e pan relado. Refrixeramos de novo as croquetas.
-Toramos o queixo San Simón e reservámolo para colocar despois enriba das croquetas.
-Quentamos abundante aceite nunha tixola e fritimos as croquetas ata que están douradas. Deixámolas escorrer sobre papel absorbente.
-Dispoñer enriba de cada croqueta un anaquiño cadrado de queixo San Simón con axuda dun espeto ou escarvadentes. Quentamos no forno ou no microondas para que o queixo se funda. Servimos quente.