Para a mariñada Teriyaki

• 125 ml de salsa de soia
• 50 ml de Mirin (viño de arroz doce)
• 50 ml de Sake
• 1-2 cucharadas de azucre

Para o ruliño

• 2 láminas nori especial sushi
• 150 grs de arroz cocido
• Ingredientes do recheo (100 g de peituga de polo)
• Salsa de soia
• Esteira especial para sushi
• Fariña especial de tempura para rebozar
• Aceite de sésamo ou de oliva para fritir

Preparación

Teriyaki é unha salsa de comida xaponesa para peixe ou carne.

Tradicionalmente, a salsa teriyaki faise mesturando e quecendo catro ingredientes: mirin, azucre, salsa de soia e sake. Ponse a ferver ata que a salsa quede reducida suficientemente, depois engádese á carne ou peixe (tamén se pode adobar con anterioridade). Ás veces engádeselle xenxibre.

Cortar o polo en tiras, bañalo na mariñada e deixar polo menos 30 minutos (pode estar ata 24 horas). Enxugar a salsa teriyaki e poñer a quecer nun cazo ata que espese. Fritir o polo a lume forte pero sen que se queime. Retirar e reservar.

Para preparar a mistura de tempura engadiremos a auga necesaria par 100 g de fariña e deixámola refrixerar na neveira.

Faremos o maki axudándonos da esteira, colocando primeiro o arroz, logo o polo e enrolando. Selar cun pouco de auga.

Cando teñamos listo o ruliño rebozámolo na mestura de tempura e fritimos en aceite moi quente. Servir decorado co resto da salsa teriyaki.