ASADOR VACA VELLA

Información xeral
Servizos
Contorna
Asador Vaca Vella abriu as súas portas no ano 2014, cun equipo de profesionais de ampla experiencia que aposta pola calidade nos produtos e un bo servizo aos usuarios. Está especializado en carne de vaca vella á brasa e cociña da terra á grella. Na selección das carnes séguese o proceso de maduración, para poder ofrecer o produto de mellor calidade e sabor. Destacan cortes de carne como o chuletón, entrecot, solombo, churrasco, picaña, croca, etc... Pero tamén se poden degustar peixes frescos e segundo mercado. O asador ofrece aos seus clientes xornadas gastronómicas de boi e catas de viños, xa que conta cunha ampla selección de referencias de todoas as denominacións de orixe galegas.
A oferta gastronómica conta cunha proporción significativa de pratos galegos con inclusións nos mesmos de materias de orixe galega certificada (DOPs e IXPs Galegas, Galicia Calidade, Pesca de Rías, ou outras certificacións equivalentes).
O Val da Maía forxa o seu carácter na moderación do seu clima, nasuavidade da súa orografía, na música de centos de campás e na letra dos poemas de Rosalía de Castro. Un abano de sensacións que teñen como complemento imprescindible a riqueza dos produtos agroalimentarios que cada día chegan a Bertamiráns para serenpostosá disposición da cociña máis esixente. Unha calidade sen igual, que ten nas carnes, sen dúbida, o seu punto culminante, como se pode apreciar na carta do ‘Asador Vacavella’, que sorprende pola variedade e polas tonalidades de sabores presentes nas súas propostas culinarias.
Vaca Vella