Casa Vixide é unha antiga casa de aldea do s XVIII,consta de dúas habitacións dobres con baño, salón comedor cociña, e un apartamento con dúas habitacións dobres con baño compartido ,sala con mini cociña e outro baño. Atópase situada nunha parcela de 4.100m, rodeada dunha ampla zona de céspede, froiteiros e plantas ornamentais. Na casa destacan as vigas de madeira do teito, a cheminea, o chan de pedra e madeira, os mobles antigos da propia casa que foron restaurados polos seus propietarios.Cabe destacar as mesas do salón, o aparador onde se gardan pratos e vasos que foron quedando da familia, as camas de ferro, o reloxo de parede e unha infinidade de obxectos que decoran cada unha das estancias. También ten un hórreo (edificación típica galega onde se almacenaban as mazorcas de millo) e un alpendre onde se atopa un comedor de verán con grellada para degustar á brasa as ricas carnes da zona.

O establecemento conta cunhas características arquitectónicas específicas integradas de forma harmoniosa co contorno arquitectónico e natural da zona que se sitúa.

Lalín é a capital da comarca do Deza, ten unha privilexiada situación como centro xeográfico e de comunicacións. Pódese falar de Lalín como quilómetro cero de Galicia.

• TRADICIÓN: A matanza do porco ou a malla tradicional son só dúas das múltiples tradicións que se están recuperando e impulsando para convertelas en referentes turísticos
• CULTURA: Lalín, ccomo berce dun dos precursores da nova pintura galega, o pintor Laxeiro, conta cunha completa red museística e de espazos de exposición
• NATUREZA: A serra do Candán, as incomparables carballeiras,as decenas de regatos e ríos

O río Deza, ao seu paso pola parroquia de Vilatuxe, ofrece un dos lugares máis agradables para fuxir das altas temperaturas estivais. A praia fluvial de Pozo do Boi permite darse un mergullo nunha contorna completamente natural, ao tempo que brinda unha zona recreativa onde os nenos poden gozar dos xogos mentres os maiores descansan á sombra dos carballos, vas perderche estas paisaxes?

• COMERCIO: A variada oferta comercial é o complemento perfecto para gozar dunha estancia en Lalín
• GASTRONOMÍA: Lalín é un bo lugar para xantar e, sobre todo, para gozar comendo; é é un deses pobos que cativan ao viaxeiro polo seu padal, especialmente se proba o mellor cocido do mundo.
• FERIAS: Os días 3 y 18 de cada mes, a cita co mercadillo é ineludible en Lalín