O CURRO DA PARRA

Información xeral
Servizos
Contorna
O Curro da Parra é un restaurante situado no centro histórico de Santiago de Compostela, xunto á Praza de Abastos, no que o seu chef realiza unha aposta pola cociña creativa de mercado con raíz galega. O local é un recuncho íntimo con encanto no que se pode sentir o repouso dos sabores auténticos mentres ferven os fogóns. Conta cunha adega con máis de 80 referencias especializadas en viños galegos, que inclúen mostras de todas as denominacións e subzonas de Galicia. O Curro dá Parra é un recuncho perfecto para gozar dunha ampla variedade de caldos, que se vai renovando e integra tamén viños emerxentes e divertidos. Os clientes poden, mesmo, probar un caldo de elaboración propia, o Sixty Five.
A oferta gastronómica conta cunha proporción significativa de pratos galegos con inclusións nos mesmos de materias de orixe galega certificada (DOPs e IXPs Galegas, Galicia Calidade, Pesca de Rías, ou outras certificacións equivalentes).
Con dicir que está no centro -se é que tal cousa existe, porque todo el o é- do casco histórico de Santiago, a popular “améndoa”, está dito todo. Noutras palabras, este restaurante abre as súas portas para continuar unha tradición compostelá milenaria, a de dar para comer aos peregrinos, a quen desde a derradeira década do século XX acompañan, e en avalancha, os turistas. O cliente e a gastronomía cambiaron desde os tempos medievais, a calidade dos produtos en Santiago, non. O feito de estaren á beira da praza de abastos se converte nun punto ao seu favor. Non pola comodidade dos propietarios, que iso é cousa súa, senón porque ese mercado é trala catedral o punto de encontro dos visitantes. Para facer a dixestión, medio de broma e medio en serio, que mellor que percorrer o límite das antigas murallas da cidade, que esperan a tiro de arco do restaurante.
O Curro da Parra