RESTAURANTE EL COTO

Información xeral
Servizos
Contorna
Rutas

O Restaurante O Coto abriu as súas portas no ano 2008, na céntrica rúa de Reza, en Ourense. Este establecemento é un espazo consagrado  aos mellores peixes e carnes que, pola súa calidade, converteuse nun referente na cidade.

A cociña do Coto ofrece o mellor da tradición da gastronomía galega, cunha aposta clara pola excelencia no servizo e no produto. Dispón dunha ampla variedade de tapas e petiscos, ademais da capacidade de organizar banquetes e celebracións.

O restaurante, que conta co certificado Q de Calidade Turística, ofrece unha ampla selección de viños, con atención coidada ás denominacións de orixe galegas.

A oferta gastronómica conta cunha proporción significativa de pratos galegos con inclusións nos mesmos de materias de orixe galega certificada (DOPs e IXPs Galegas, Galicia Calidade, Pesca de Rías, ou outras certificacións equivalentes).
Á beira da rúa Progreso. Esa definición do emprazamento deste restaurante di moito en Ourense, posto que esa vía foi e é o corazón histórico da cidade, saída histórica cara á Meseta, emprazamento de edificios de lustre como o que acolle a Deputación provincial. De maneira que a primeira dedución é que El Coto está céntrico. E esa situación permítelle constituírse nun punto de encontro para quen queren visitar As Burgas, esas fontes de auga quente que xa coñecían os romanos, invasores cuxa pegada máis patente é A Ponte Vella, hoxe acertadamente pechada ao tráfico para que os viandantes gocen dunha obra singular que permite salvar o río Miño, moi caudaloso por estes lares. E unha vez deixada atrás a corrente, á esquerda van quedar as termas ao aire libre chamadas A Chavasqueira, aínda que a ruta máis curta desde O Coto non é esa, senón a que leva á ponte do Milenio, unha vangardista obra de enxeñería e deseño.
Restaurante El Coto