Galicia Calidade celebrou hoxe en Santiago de Compostela unha xornada de traballo cos establecementos integrados en Galicia Calidade Lecer para analizar a estratexia a desenvolver no 2019 en materia de planificación de accións de dinamización e difusión da marca así como da promoción dos establecementos asociados. Os participantes coñeceron da man do equipo coordinador do […]
Galicia Calidade celebrou hoxe en Santiago de Compostela unha xornada de traballo cos establecementos integrados en Galicia Calidade Lecer para analizar a estratexia a desenvolver no 2019 en materia de planificación de accións de dinamización e difusión da marca así como da promoción dos establecementos asociados.
Os participantes coñeceron da man do equipo coordinador do colectivo Lecer o Plan de traballo previsto para este ano, unha análise do traballo desenvolvido e canles de colaboración directa das empresas certificadas.
Na xuntanza estivo presente o director xerente de Galicia Calidade, Alfonso Cabaleiro, que sinalou a importancia de establecer sinerxias e colaboracións entre as empresas certificadas e Javier de Miguel, director técnico de Galicia Calidade, que expuso as condicións de uso da marca de garantía galega o compromiso con Galicia e os seus produtos que o selo leva asociado.
Na xornada estiveron presentes os representantes dos establecementos La Bodeguilla de San Lázaro – La Bodeguilla de Santa Marta (Santiago de Compostela), Cantina Río Covés (Pontedeume), Casa de Cacheiro (Silleda), Casa Vixide (Lalín), Hotel Blue Coruña (A Coruña), Hotel Louxo La Toja (O Grove), Restaurante A Taberna (Ourense), Restaurante Carmen (Sanxenxo), Bar Berberecho (Sanxenxo), Restaurante El Refugio (Oleiros), e o Hotel O Semáforo de Fisterra (Fisterra), de próxima incorporación.